محمد صلاح ابن المقاولين

8:47:00 ص
محمد صلاح ابن المقاولين


السلام عليكم .. مش هاتكلم عن محمد صلاح هنا بصفته لاعب 

الكره المصري اللي دخل التاريخ لأنه كان سبب مباشر في 

صعودنا لكاس العالم بعد غياب 28 سنه


 لكن عايز اتكلم هنا عن قصة نجاح محمد صلاح حامد غالي طه 

من مواليد 15 يونيو عام 1992 قريه نجريج التابعه لمركز بسيون 

محافظة الغربيه ، الشاب المصري البسيط خريج معهد اللاسلكي 

اللي عاني في بداياته ومع ذلك كان وراه أب عظيم عنده إيمان 

كامل بإبنه وقدم كل اللي يقدر عليه رغم ظروفه الماديه الصعبه و 

كان طاقه دفع قويه لإبنه عشان يبدأ مشواره من فريق ناشئين 

المقاولين العرب


بدأ تألق صلاح لما جاب جول في الأهلي مع المقاولين سنة 2010 

وقتها الكل اتكلم عن سرعته ومهارته و كان علي وشك الإنتقال 

للزمالك ولكن ممدوح عباس رئيس نادي الزمالك وقتها قال نصا 

أن محمد صلاح :


" لايصلح لإرتداء قميص الزمالك يحتاج شغل كتير لينصهر في 

بوتقه الفريق مازال صغيرا وإمكانياته ليست كبيرة "

ممكن يكون زعل وقتها لكن القدر كان محتفظ له بالأفضل تألقه 

مع 

المقاولين لفت نظر نادي بازل السويسري تابعه فتره وبعدين تمت 

دعوته للتدريب في صفوف النادي لمده اسبوع بعدها مباشرة 

اشتراه من المقاولين ب 2 مليون يورو ومن بازل لتشيلسي ب 13 

مليون يورو ومن تشيلسي" بعد شويه اعارات" لروما ب 15 

مليون يورو ومن روما لليفربول ب 42 مليون يورو في صفقه 

هي 

الأغلي في تاريخ النادي وثمن هو الأعلى الذي يتم دفعه في

لاعب مصري محترف في التاريخ



محمد صلاح صاحب البدايات الماديه المتعثره للغايه بني خدمات 

لأهل قريته ب 8 مليون جنيه لغايه دلوقتي، محمد صلاح "بتاع 

ليفربول" كان قاعد رمضان اللي فات في قريته "نجريج" علي 

شويه ترابيزات خشب مرصوصه جنب في ملعب خماسي وقدامه 

شويه كؤوس وميداليات من اللي كنا بناخدهم ف المدرسه دول 

بيوزعهم علي الفائزين في الدورة الرمضانية في قريته، شكرا يا 

استاذ صلاح حامد غالي طه عرفت تربي.


بواسطة الدكتور : هاني مهنئ


شارك الموضوع

مواضيع ذات صلة